نحبوّك
بالعيطة
بالزيطة
بالنغمة
بحليب يمّة
بالتزغريطة..

نحبّوك
حُـب
بالحاء الحفيانة
والباء الباهية
حُـــب
حَـــبّ
يزفّ
يهفّ
لا يرعش
لا يهاب لا يرفّ..

نحبّوك..
نحبك ّ بحرف التّاء
تالمة في الفجوج
الواو
ورد الجمر في الثلوج
النّون
نسمة الفرسان
وعرق السروج
السّين
سالمة
سالمة
لا تخافي نار الفجوج..
نا الورغي..
نحسّك في العروق
في المعاليق
في الجواجي
وانت البرّة
العدوّ بيك
يلاجي..

رضعت حليب يمّة
على غناك
على صوتك
وانت تحاجي..

كـتـــبـت
أوّل حروف عشقي
في سود الليالي
كنت شمعتي
وسراجي..

تعلمت منّك
تاريخ الكاهنة
الجّرجار
الحامّي
والدّغباجي..

حفّظتو لأولادي
لبناتي
وغرست محبتك
وشربـتها
هي الدواء
هي علاجي..

اليوم لَـمْـستـك
رمَــلْ بين صوابـعي
يتـحَـثْـرب
صكّرت إيــدي
ثمّاش ما الحبّات
تحت الجّلد
تشرّق حيرتي
وعجاجي..

https://www.facebook.com/noureddine.ouerghi/videos/10222411767665810/